बल सागर भारत होवो
✍️ By साने गुरुजी
💡 Significance
हे गीत शालेय परिपाठात विद्यार्थ्यांमध्ये आत्मविश्वास, एकता आणि देशप्रेम जागृत करण्यासाठी गायले जाते. हे साने गुरुजींच्या प्रसिद्ध गीतांपैकी एक आहे.
बल सागर भारत होवो
विश्वात शोभुनी राहो
हे कंकण करि बांधियले
जनसेवे जीवन दिधले
राष्ट्रार्थ प्राण हे उरले
मी सिद्ध मराया होवो
बल सागर भारत होवो
वैभवी देश चढवीन
सर्वस्व त्यास अर्पीन
हा तिमिर घोर संहारीन
या बंधु सहाय्या होवो
बल सागर भारत होवो
हातांत हात घेऊन
हृदयास हृदय जोडून
ऐक्याचा मंत्र जपून
या कार्य कराया होवो
बल सागर भारत होवो
विश्वात शोभुनी राहो
📖 Meaning / Translation
भारत देश शक्तिशाली व्हावा आणि संपूर्ण जगात त्याने आपले नाव उज्ज्वल करावे, अशी प्रतिज्ञा या गीतात केली आहे. समाजसेवा आणि राष्ट्रभक्तीसाठी सर्वस्व अर्पण करण्याची प्रेरणा साने गुरुजींनी दिली आहे.