धरिाला पंढरीचा चोर
✍️ By Sant Janabai
💡 Significance
भक्तीच्या सामर्थ्यामुळे देवही भक्ताचा ऋणी होतो, हे यातून दिसून येते.
धरिाला पंढरीचा चोर ।
गळा बांधोनिया दोर ॥१॥
हृदय बंदीखाना केला ।
आत विठ्ठल कोंडिला ॥२॥
शब्दांची केली जडाजुडी ।
विठ्ठल पायी घातली बेडी ॥३॥
सोहम शब्दाचा मारा केला ।
विठ्ठल काकुळती आला ॥४॥
जनी म्हणे बा विठ्ठला ।
जीवे न सोडी मी तुला ॥५॥
📖 Meaning / Translation
संत जनाबाईंनी विठ्ठलाला प्रेमाच्या दोराने बांधून आपल्या हृदयरूपी तुरुंगात कसे कैद केले आहे, याची ही मजेशीर आणि भावपूर्ण कल्पना आहे.